وفاء مكي : رفضت العمل مع محمد رمضان ومتقدرتش كويس وعايزة اشتغل علشان ابني.. وتنهار من البكاء بسبب هشام سليم

الخبر في صورة, السلايدر, فن , Comments Disabled

حلت الفنانة وفاء مكي، ضيفة مع علامية ياسمين عز في برنامج «كلام الناس» المذاع عبر قناة «إم بي سي مصر»، مثيرة حالة من الجدل بسبب تصريحاتها.

تصريحات وفاء مكي


ودخلت الفنانة وفاء مكي، في نوبة بكاء شديدة، معربة عن استيائها الشديد بسبب ما تعرض له الفنان هشام سليم في أيامه الأخيرة، مؤكدة أنه كان شديد الاحترام ولا يؤذي غيره.
وكشفت تفاصيل علاقتها بالراحل هشام سليم، قائلة: «كنا بنصور مسلسل الراية البيضا فترة طويلة، وسافرنا مع بعض وعشنا مع بعض، ما بين القاهرة والإسكندرية والأردن، وعرفت إنه أخلاقه جميلة كان بني آدم كويس وجميل، وكان دايمًا في حاله وعمره ما أذى حد».
وأضافت وفاء مكي: «أنا زعلانة بسبب البهدلة اللي شافها في الآخر حرام ليه كده؟، يعني وصلني تعليق، شوية شوية هينزلوا معاه القبر وهو بيتحاسب وابنه ومش ابنه يا جماعة أحنا في إيه ولا في إيه؟، أنا كنت قريبة من هشام سليم وعارفه قد إيه هو إنسان وجدع، وبيعمل حاجات كتير خير وحلوة قوي، من غير ما حد يحس باللي بيعمله».


وتابعت: «الرحمة حلوة قوي وده موت له حرمته وله هيبته وده بس اللي حازز فيا، خلوني وصلت لمرحلة اني اقطع علاقتي بالسوشيال خالص، بقيت بحس إن ضررها أكبر من نفعها، بتنتهك حرمات الناس، وبتتدخل في أدق التفاصيل ومن غير ما حد يعرف حاجة، كل ده عشان يعملوا نسبة مشاهدة طب وليه؟، حرام ربنا هيسألك الفلوس دي جبتها منين، أنت تعرف حاجة عن وفاء؟ عشان تتكلم في خصوصياتهم».


سر ظهور وفاء مكي بالحجاب


وقالت الفنانة وفاء مكي تعليقا على ظهورها بالحجاب في أحد البرامج إن: «الحجاب لا عيب ولا سُبة».
وقالت كنا بنصور في مصر الجديدة وقعدت أدور على إيشارب لأنهم قالولي لازم حجاب عشان فيه شيخ وقرآن وقعدت ألف بالعربية لحد ما اشتريت حجاب؛ احتراما لهيبة الشيخ».
وأضافت: «الشيخ طلب مني ألبس إيشارب احتراما للحديث والقرآن»، مردفة: «أنا لم أتحجب.. مش عيب ولا حرام ولا قلة أدب، لكن أنا متحجبتش».


محمد رمضان


وكشفت وفاء مكي، عن رفضها المشاركة في فيلم “على الزيرو” من بطولة نيللي كريم ومحمد رمضان.
وأوضحت خلال حوارها مع الإعلامية ياسمين عز، أنها رفضت المشاركة في الفيلم بسبب ضعف المقابل المادي مقارنة مع تاريخها الفني.
كما قالت: “كلمني مدير الإنتاج، وكان المفروض شغلي كله في المطار مع صلاح عبد الله، قلت له نتكلم والحاجات دي”، في إشارة منها إلى التفاوض على الأجر.
وأضافت: “أنا عملت اسمي، ودلوقتي ظروف الحياة محتاجة أشتغل، ابني محتاج ياكل ويتعلم ويصرف، بس اعتذرت”، مشيرة إلى أن”كل شيء نصيب في النهاية، هنزل أشتغل يبقى لازم موركيش حاجة، وعشان تضحي بالحاجة دي يبقى لازم تستاهل، وفي النهاية نصيب”.تصر

وكشفت عن أحد أسرار حياتها قائلة إنها كانت “في وقت من الأوقات فتاة أحلام جيل كامل.. كان فيه واحد بيجيلي كل يوم تحت البيت، وكنت بخاف أفتح الباب بسببه، ودا ينطبق عليه مثل لو ملكت العالم لتمنيت الركوع تحت قدميك”.
وأضافت: “كان بيجي تحت البيت علشان يشوفني، ولم يكن مصريا كان مليارديرا عربيا”، مضيفة: “ناس كثيرة طلبوا مني أسيب الفن علشان أتجوزهم”.


ندم وفاء مكي


وأعربت عن ندمها لعدم زواجها واهتمامها بالفن، مؤكدة أنها لو عاد بها الزمن كانت ستتزوج بعد وفاة زوجها، موضحة: “أنا غلطت بس ملقتش حد يوعيني وأنا كنت مغيبة لدرجة مش بفتكر عملت كام عمل والعمر سرقني والرجالة كانوا بيتخانقوا عليا ولحقت أجيب عيل قبل القطر ما يفوتني”.


قضية وفاء مكي


يشار إلى أن وفاء مكي تألقت خلال التسعينيات في عدة مسلسلات أبرزها ذئاب الجبل، لكن في عام 2001 تم الحكم عليها بالسجن 10 سنوات مع الشغل والنفاذ، لإدانتها بتهمة تعذيب خادمتيها مروة وهنادي عبد الحميد والاعتداء عليهما، وتم تخفيف الحكم بعدها إلى 3 سنوات لتخرج من السجن في عام 2004.