طرح النجم الشعبى حكيم
أغنيته الجديدة “سيبونا في حالنا” عبر قناته الرسمية بموقع الفيديوهات
“يوتيوب”.، تمهيدا لطرح باقى أغانى الألبوم خلال الفترة المقبلة.
الأغنية من كلمات الشاعر عصام حجاج، ألحان تامر حجاج، توزيع
إسلام شيبسى وميدو مزيكا.
وتقول كلمات الأغنية :
مركزين في حياتنا أكتر مننا
مستكترين علينا نعمة ربنا
عينهم مابتسيبناش .. ولا لسانهم رحمنا
معرفش ليه .. ليه كارهين راحتنا وفرحنا
سيبونا في حالنا .. سيبونا في حالنا
عينكم جابت أجلنا
الرحمة حلوة .. وكفاية اللي جرالنا
شكرا على حسن المتابعة
وعلى الخداع وعلى الملاوعة
لحد كدا متشكرين
شكرا اوي على الاهتمام .. عنيكم خلصت الكلام
ممكن بقى نفصل يومين
سيبونا في حالنا .. سيبونا في حالنا
عينكم جابت أجلنا
الرحمة حلوة .. وكفاية اللي جرالنا
طول ما انت ماشي في دنيتك .. هتلاقي خلق في سكتك
سواد قلوبهم مش طبيعي .. مستخسرين فيك ضحكتك
كتلة أذى متشكلة في هيئة بشر
ناس كارهة غيرها وكارهة حتى نفسها
ناس غاوية نبر وعينها دي تفلق حجر
لو شافوا نعمة علينا بيبان غلها
سيبونا في حالنا .. سيبونا في حالنا
عينكم جابت أجلنا
الرحمة حلوة .. وكفاية اللي جرالنا
شكرا على حسن المتابعة
وعلى الخداع وعلى الملاوعة
لحد كدا متشكرين
شكرا اوي على الاهتمام .. عنيكم خلصت الكلام
ممكن بقى نفصل يومين
سيبونا في حالنا .. سيبونا في حالنا
عينكم جابت أجلنا
الرحمة حلوة .. وكفاية اللي جرالنا
وكان آخر ظهور لحكيم من خلال فعاليات الندوة التثقيفية للقوات
المسلحة، والتي غنى فيها أغنية وطنية جديدة بعنوان “قالها الجيش والشعب معاه”.
