كشفت الفنانة داليا البحيرى، تفاصيل إصابة زوجها حسن سامي رجل الأعمال بفيروس كورونا المستجد، بعد ظهور نتيجة المسحة التى أجريت له فى أحد مستشفيات وزارة الصحة.
وقالت داليا البحيري عبر حسابها الرسمي على موقع التواصل الإجتماعي فيس بوك: “أوك.. أنا حبدأ بألف حمد وشكر ليك يارب؛ لأن أنا عارفة ومتأكدة إن احنا عملنا اللي علينا وزيادة… حافظنا وقعدنا في البيت، وعقمنا وطهرنا، وشجبنا اللي نزل انطلق واتفسَّح… وأنا والحمد لله راضية جدا بقضاء ربنا- سبحانه وتعالى-… حسن جوزي وحبيبي طلع إيجابي كورونا ڤيروس…ربنا يشفيه ويعافيه يارب”.
وأضافت داليا البحيري: “احنا كلنا عملنا مسحات.. أنا والأولاد، واللي بيساعدونا في البيت؛ عشان نطمن؛ لأننا كنا مخالطين لحسن… وبإذن الله نعرف النتيجة بكرة بالليل.. وربنا يجيب العواقب سليمة يارب”.
وأكملت داليا البحيري: “أنا بقول الكلام ده ليه؟؛ عشان أي حد لازم يعمل كده، لازم يقول، وبكل وضوح؛ عشان الناس اللي كانت مخالطة ليهم يعرفوا، ويطمنوا على نفسهم… لأن دي أمانة… والمرض مش حاجة الواحد يخجل منها… بشكر كل اللي اتكلم يطمن على حسن وعلينا، وآسفة إن احنا مش ملاحقين نرد؛ عشان متكركبين، وبنشوف حنعمل إيه… دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر”.
يذكر أن داليا البحيري تعرضت لهجوم على مواقع التواصل الاجتماعي بعد حديثها عن العمالة اليومية ومن ينزلون الشارع دون أخذ اجراءات وقائية.
