الفوتوشوب بوظ الفوتوغرافيا وحول المصور من فنان لـ “حلاق فتلة” .. من حد فاهم سر الصنعة وعارف يختار زاوية بتطلع لقطة حلوة، إلى أي حد بياخد أي كادر وبعد كده يقعد يقص ويلزق ويرقع.
عزيزي المصور:
إنت مش كوافيرهرجي، عشان تعمل مانيكير وباديكير وتحط كحل وروج لصورة بنت، ولا دكتور تجميل مهمته يصغر وينفخ ويكبر.
إنت فنان بتوريني الدنيا بعنيك، وبتفكرني كل شوية إني إنسان.. بتخليني آخد باللي من الست الغلبانة اللي مربعة ورا قفص طماطم في السوق، وأنا بدعي لها: ربنا يبارك لها في ابتسامتها السكر.
إنت اللي بتغمزلي وانا ماشي في الشارع اتصاحب على عيل غلبان حفيان لابس جلابيه مكرمشة ووشه ملحوس طين وفرحان عشان بياكل على الرصيف في نص رغيف فول.
حاجات كتير بتعدي علينا وممكن تضيف لإحساسنا مطلوب منك اكتشافها.
حضرتك ببساطة نصير للجمال مش بتاع تجميل.. فنان بيدافع عن الحق مش جزء من خطة التضليل.
