اكتشفت”أسماء”، صاحبة ٢٥ عاما حقيقة زوجها بعد بشهرين فقط، وخيانته لها لتقف داخل محكمة الأسرة لرفع دعوى خلع مبررة استحالة العشرة معه.
وروت الزوجة ”أسماء” في تصريحات صحفية: ”اتعرفت عليه عن طريق الشغل وبعد فترة تعارف فى حدود الأدب ولم تتعدى سوى الجلوس فى أماكن عامة، اعترف لي إنه بيحبني وطلب يخطبني، وأنا كمان كنت ببادله نفس المشاعر، واتخطبنا وبعد فترة قليلة اتجوزنا، كان بيقول لي إنه عمره ما هيخوني لإنه مش شايف بنت في الدنيا غيري، كنت بتباهى بحبه ليا قدام أي حد، لكن مكنتش أعرف إنه كذاب وبتاع علاقات نسائية، وميعرفش حاجة عن المشاعر”.
وأضافت حديثها قائلة: ”لحد ما في يوم وصلت للرمز الخاص بتليفونه، وفتحته من وراه بسبب حب تطفلي، لقيت رسايل لسه واصله من بنات وملحقش يفتحها، ومعظمها كلام إباحي وصور بينهم ومش بنت واحدة دول ثلاثة غير اللي أكيد حذفهم؛ وعرفت إنه من النوع الخاين بتاع الستات، وواجهته واعترف إنها غلطة ومش هتتكرر وطلب مني أسامحه، لكن مش قادرة وطلبت الطلاق ورفض عشان كده رفعت دعوى خلع بمحكمة الأسرة وانتظر أولى الجلسات”.
