أشعلت المطربة الشابة مي فاروق إستوديو الدمية الشهيرة أبلة فاهيتا “لايف من الدوبلكس” المذاع على قناة “أون إي”، وذلك بأداء أغنية “آه لو وصلت يا مصل” على ألحان أغنية “آه لو لعبت يا زهر”.
وقالت أبلة فاهيتا لمي فاروق: “كنت كاتبة الأغنية لعاصي الحلاني بس ابنه شبط فيها ومحدش فيهم غناها، وإنتي دلوقتي اللى هتغنيها”.
وجاءت كلمات الأغنية: “اللي خالط حد ما بينامشي ما بالك اللي الأعراض فيه.. ملعون أبوك يا كوفيد الترمومتر في بوقي ماشي بيه ليل ونهار.. ملعون أبوكي يا كورونا قشف الكحول مرار.. آه لو وصلت يا مصل وبقيت في كل مكان وتغور خلاص الموجة وخشتني أنا الأحضان.. لأقلع كمامتي وأظهر بوشي زي زمان وأخرج مامتي تاني وحشها أوي أركاااااان وأسلم بالإيد عادي وأمسك أوكر البيبان ولو حد عس أو كح مش هكون قلقان وأحضن أنا وأبوس البواب والجيران.. الحبسة وحشة آه وياما طلقت عرسااااااان.. يلا يا مصل يا حبيبي انجز تعالي بسرعة خلاص بنعجز نفسنا نرجع زي الأول بس المصل ده شكله مطول لأ ومصيبة جديدة في لندن الفيروس هناك متحور”.
وكانت أبلة فاهيتا استضافت في حلقات الموسم الحالي عددًا من النجوم كان من بينهم الفنان حسين فهمي، والمطرب طارق الشيخ، والمطربة كارمن سليمان، والفنان خالد الصاوي، وغيرهم.
