سخر الفنان رامز جلال، من محمد هاني الظهير الأيمن للنادي الأهلي، خلال استضافته ببرنامج المقالب «رامز عقله طار»، والذي يتم عرضه خلال شهر رمضان كل يوم على الفطار.
وقال رامز جلال عن محمد هاني: «ينقض على المهاجمين ويستخلص منهم الكرة، لاعب حويط، شاب رقيق، لكن عنيف وجرئ في المستطيل الأخضر، مشكلته معانا دلعه».
وأكمل: «ننوس عين موسيماني والجوكر الجديد، أصبح مفيش بينه وبين أحمد فتحي فرق، خلال كأس العالم للأندية أصبح حديث الغرب والشرق، الأهلي كان فاكره مش هيسد، واحد بس قالهم ادوله فرصة اسمه موسيماني».
وقال رامز جلال: “برة الملعب كيوت وكتكوت مبلول يدخل الملعب يتحول لصقر جارح ولاعب عنيف وجريء وبرهن ان مفيش بينه وبين أحمد فتحي فرق علشان تعدي منه لازم تغزه مطوة”.
وتابع: “محمد هاني ننوس عين موسيماني ودلوعة الأهلي والجوكر الجديد محمد هاني”.
وأكمل: “مشكلته معانا دلعه وعامل فيه الواد الكيوت وعلشان كده جيبته أخربشه واطلع عيل تاني”.
