حل الفنان إيهاب توفيق ضيفا على ببرنامج “شيخ الحارة والجريئة” الذي تقدمه المخرجة إيناس الدغيدي بقناة “القاهرة والناس” وأدلى بتصريحات نارية.

إيهاب توفيق وعمرو دياب

وكشف الفنان إيهاب توفيق، عن السبب الحقيقي وراء خلافه مع  المطرب عمرو دياب، مؤكدًا: “غار من نجاحي ومفيش بنا ود”.

وأضاف “بدأت الغناء بعد عمرو دياب بـ 3 سنين لذلك هو أقدم مني، ولكن لما طلعت كسرت الدنيا بكام أغنية  فعملت له قلق وحسيت إنهم خلوا فيه غيرة”.

https://www.facebook.com/watch/?v=1213556115769931

وأشار: “لما كنا شباب صغيرين كنت بلعب مع عمرو دياب كورة مع بعض ونحضر حفلات ومناسبات كتيرة جدا لأصدقاء لينا ولما كبرنا لقيته ابتعد وبدأت الغيرة من الأغاني اللي قدمتها في بداية مشواري”.

شيرين

كما انتقد المطرب إيهاب توفيق، تصريحات الفنانة شيرين عبد الوهاب خلال احيائها حفل عمرو يوسف وكندة علوش وما نتج عنه من مشاجرة عن عمرو دياب.

وقال توفيق:”شيرين طلعت بعد خناقتها مع عمرو دياب تقولي أنت مالك ومالنا، وأنا مليش علاقة بيهم الإتنين، ولكن معجبنيش الكلام بأن مصر مفيهاش مطربين غيرها هي وتامر وحماقي، وده غلط لأنه يمس كل الجيل مينفعش، لو انت عايزة تخبطى في عمرو دياب قوليله أنت وحش بدون الإساءة لباقي المطربين”.

وأضاف:”مبقاش الصوت الحلو هو اللى مسيطر أو نمرة 1 ولو الموضوع بالأصوات يبقى مدحت صالح رقم 1 لأنه صوت ذهبي، واللى قصر عليا إن الإدارة بتاعتي كانت مش مظبوطة وده أثر عليا ومكنوش كويسين وده سوء اختيار”.

محمد منير

وأوضح إيهاب توفيق إن محمد منير وعمرو دياب من أهم الأصوات في مصر ولكل منهما جمهور ولا يتفوق أحد منهم على الآخر.