انت ايه يا جدع
ملكش حل
عملت فيهم البدع
غفلت الكل
أنت ايه يا جدع
يا معلم عليهم
وانت لوحدك قايم بيهم
تضرب ولا حد يحس
هو دا لعب الحريفة
واقفين عاملينلك تشريفة
وانت بتتفرج بس
هما اللي يحولوه
بس راجل وابن ابوه
جبت حقك من عينيهم
تسلم ايديك يا عم
قال ايه عاملين عاتولة
وانت واخدهم يا ابني مقاولة
ولا بتهيب اي حد
ما الاخر دا احنا نقوملك
ونصقفلك ونعظملك
لا تستاهل بجد
مش عارفين انت مين
نصبولك ميت كمين
وطلعت ملكشة مالكة
ودماغك يا ابني سم
انت ايه يا جدع
داريت عنهم ملامحك
وبعينك كنت شايف
الكبير قبل الصغير
مرعوب منك وخايف
أصل مهما الظلم يعلى
برضه صوت الحق اعلى
وبضربة واحدة منك
متكسرين اهم
حاطين صورتك قدامهم
على طول قالق منامهم
صوتك سامعينه رعد
عمال بترازي فيهم
عامل منهم وأنت عليهم
ومخبطهم في بعض
حيرت الكل فيك
كله بيدور عليك
وانت وقفت بقلب جامد
ومشلتلهومش هم
ايه عندك تاني لسه
دا انت بقيت حدوتة وقصة
بيها بيتحاكي الخلق
لما هيحكوا هيقولوا
كان فيه مجدع بس بطوله
واقف بيجيب الحق
خدت بتارك تمام
كنت واحد هما كام
حقك يا عم تضحك
ولا حد يقلك بم
أنت ايه يا جدع
