كشف مصدر مقرب من الفنانة ياسمين عبدالعزيز عن دخولها في غيبوبة، بعد خضوعها لعملية جراحية، أمس السبت، ما استدعى وضعها داخل غرفة العناية المركزة بأحد المستشفيات.
ووفقا لتقرير صحفي فإن الفنان أحمد العوضي، زوج ياسمين عبدالعزيز، يرافقها حالياً داخل المستشفي، ومعه وائل عبدالعزيز، شقيق زوجته، مضيفاً أن الحالة الصحية للأخيرة خطرة.
وكان الفنان أحمد العوضي قد أعلن عن خضوع زوجته ياسمين عبدالعزيز لعملية جراحية، أمس السبت، عبر حساباته بمواقع التواصل الاجتماعي، حيث دعي جمهورها بالدعاء لها لتجاوز أزمتها الصحية بسلام.
ولم تمر دقائق علي هذا المنشور، ليعاود العوضي الكتابة عن زوجته قائلاً: يمكن ببان قدامكم دايما قوي، لكن الحقيقة أنا دلوقتي أضعف انسان علي وجه الارض عشان أنا روحي مش معايا، أنا ضعيف جدا من غيرك، أنتي لازم تبقي كويسة ولازم تقومي بالسلامة، أنا لأول مره أكتب من غير ما أكون مفكر أنا بكتب ايه وهكتب ايه، بس أنتي هتقومي إن شاء الله باذن الله عشان أنتي وعداني وعد وهتتفذيه.
وأضاف العوضي في منشوره: أنا عاوزك تبقي كويسة وتقومي عشان أقولك إني لو كنت ببينلك إني بحبك مره فالحقيقي واللي جوايا إني بحبك الف مرة، وأنا دلوقتي مش قوي زي ما أنتي بتشوفيني، أنا دلوقتي ضعيف ضعيف جدا لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك.
وتابع: قومي عشان أنا بحبك، بحبك أكتر بكتير من كل الكلام اللي أنا كتبته، أكتر بكتير من كل اللي عدينا بيه مع بعض من أيام حلوة ومواقف صعبه مرت علينا، أكتر بكتير حتي من الموقف اللي احنا فيه دلوقتي، أنا بحبك.
ومن جانبه دعا شقيقها الفنان وائل عبد العزيز جمهورها بالدعاء لها موضحا إن حالتها خطيرة.
