السلايدرسوشيال ميديا

أمينة خليل: بشوف قلة أدب على السوشيال ميديا ملهاش مثيل

كشفت الفنانة أمينة خليل عن تعرضها للتنمر على مواقع التواصل الاجتماعي.

وقالت أمينة خليل في تصريحات صحفية إنها تعرضت للكثير من التنمر على مواقع التواصل الاجتماعي، قائلة: «كلنا اتعرضنا للتنمر، ويمكن علشان كدا دى حاجة أنا مهتمة بيها بشكل شخصي، ونحاول بقدر الإمكان إننا ننهي فكرة التنمر دى أصلا».

وواصلت أمينة خليل قائلة: «لحد النهاردة فيه تنمر، السوشيال ميديا بتعمل اللى ميتعملش، تحس إنك عايز تنط جوا التليفون تجيبه من قفاه، ناس عنيفة جدا، وبتتكلم بطريقة وحشة جدا، وكأنها هيا اللى عارفة، وهيا اللى أحسن، بينفوا تماما اننا كلنا بنى آدمين، وإن أنا زيك، واحنا كلنا زى بعض، وإن مش من حقك تعمل كدا».

اقرأ أيضا

وأضافت أمينة: «فيه فرق بين إنك تكون بتستفز حد، ودا أصلا غلط، وبين إن فيه ناس فعلا بتبقى قاسية وقليلة الأدب فى طريقة كلامها، وبتلقى وجهة نظرها من منطقة متعالية جدا، مفيش بنى آدم على وجه الأرض ليه الحق إنه يوجع ويجرح البنى آدم اللى قدامه».

كانت  الفنانة أمينة خليل حققت نجاحا كبيرا في السباق الرمضاني الماضي، من خلال مسلسل خلى بالك من زيزي، الذي شاركت فيه بجانب محمد ممدوح، وعلى قاسم وسلوى محمد على، وعلى الطيب وأسماء جلال، وعدد آخر من الفنانين، وهو من تأليف ورشة مريم نعوم وإخراج كريم الشناوي.

 


زر الذهاب إلى الأعلى