هاجم مرتضى منصور، رئيس نادي الزمالك، تصريحات تركي آل الشيخ، رئيس مجلس إدارة الهيئة الرياضية بالسعودية ورئيس الاتحاد العربي، بشأن عدد جمهور الأهلي، وقال إنهم 80 مليون مشجع.

وقال منصور في حواره على قناة العاصمة إن  تركي آل الشيخ حاجة راقية جدًا، لكن فوجئت إن حد مفهمه إن الأهلاوية في مصر 80 مليون، لينا عتاب عليك يا راجل يا محترم، مصر كلها 103 مليون، فيهم 20 مليون طفل، يعني الزملكاوية كلهم 3 مليون، مين قال الكلام ده

وأضاف جمهور مصر متوزع بين الأهلي والزمالك 50 مليون لـ50 مليون واحنا بنعتبر دي إهانة، مش إهانة لنادي الزمالك لكن لجمهوره العظيم. زي ما جمهور الأهلي كبير ومحترم وبنحترمه، لازم نحترم جمهور الزمالك، 80% من الشعب السعودي والدول العربية زملكاوية، والأهلاوية عارفين ده.