فتح سيد عبد الحفيظ مدير الكرة بالفريق الأول لكرة القدم بالنادي الأهلي، النار على مسئولي اتحاد الكرة المصري، ولجنة الحكام بعض أخطاء التحكيم في الدوري المصري هذا الموسم، فضلا عن تجاوزات مدحت شلبي ضد جماهير الأهلي.
يذكر أن الفريق الأول لكرة القدم بالنادي الأهلي، قد حقق الفوز على حساب نادي المصري البورسعيدي أمس الجمعة، برباعية مقابل هدفين، في إطار الجولة الثانية والثلاثين من منافسات الدوري الممتاز.
وقال عبد الحفيظ في تصريحات عقب المباراة: “لو الزمالك خد الدوري مبروك؛ ممكن يكونوا تعبوا أكثر ممكن تكون الظروف خدمتهم، هنشتغل على نفسنا أكثر واللي حصل في الدوري عمره ما هيحصل في الكأس احنا فاهمين كل حاجة”.
واضاف مدير الكرة بالأهلي: “هوا فيه قانون بيقول ان الكورة ممكن تتحسب في ستاد الدفاع الجوي ونفس الكورة متتحسبش في ستاد الإسكندرية”.
وتابع:” اللي فاكر نفسه مادام بقا اعلامي يبقا ليه الحق يشتمنا ويسبنا فبقوله دورك جاي وكل واحد هيتحاسب”.
وأكمل:” الأجندة الدولية معروفة هتبدأ امتا وهتنتهي امتا لو فاكر نفسك هتطغطني في الكأس زي الدوري فدا مش هيحصل، فلو حجتك انك عاوز تكمل الموسم بالقائمة القديمة فنفسالناس اللي ماسكه دلوقتي كانت موجوده قبل كدا وكملنا الكأس بالقوائم الجديدة” .
واستطرد:” احنا عندنا مشكلة في آخر عشر دقايق مش قادرين نلعب مش فنيا والله؛ ذهنيا الفريق. دا تعب تحمل كثير وسفر لاعيبة صغيرة وكبيرة شخصيتهم كبيرة كنا عاوزين نحقق سوبر غايب من سبع سنوات ركزنا على أغريقيا لتاني مرة على حساب الدوري خطأ مننا بس هنتعلم من أخطائنا وهنعدلها” .
وأشار:” محمد الصباحي حكم لي ست مباريات بست أخطاء، محمود بسيوني الماتش اللي فات لو كان بيتثاوب كان خد وقت أكثر من اللي خده غي مراجعة كورة ياسر، محمود عاشور ومحمد الحنفي نفس الكورة في ماتش الإسماعيلي انا مش بشكك في حد، بس ربنا مبيرضاش بالظلم”.
واختتم:” طارق مجدي كان في غرفة الفار في مباراة بيراميدز لم يحتسب هدف بواليا وركلة جزاء محمد شريف، ربما ضغطنا بقصد أو عن غير قصد لا نتدخل في النوايا”.
