حل محمود عبد الرازق “شيكابالا ضيفًا على برنامج الحكاية الذي يُقدمه الإعلامي عمرو أديب عبر قناة MBC مصر، حيث شهدت الحلقة تصريحات نارية من جانب قائد نادي الزمالك، لا سيما أن شيكابالا أصبح ترندًا على كافة المنصات.

وقال محمود شيكابالا: “في إحدى المباريات الأخيرة في الدوري، لقيت واحد بيعمل «عمل» وبيعزم وواقف بيعمل حركات غريبة على باب أوضه تغيير الملابس قبل المباراة، بس مش هاقول هو مين النادي عشان عيب، عشان أحنا الزمالك وكسبنا الماتش برضوا الحمد لله.

وأَضاف شيكابالا: “أنا لو قتلت حد في الكورة مش هتوقف 8 شهور، ولو رجعنا للايحة مفهاش حاجة أسمها لما أقولك يا أهلاوي أتوقف 8 شهور، هي كلمة يا أهلاوي إهانة للدرجادي؟”.

وتابع شيكابالا: “جماهير الأهلي في أسوان بيتصوروا معايا وعلاقتي بيهم جيدة جدا، الناس بتشوف اللي بيحصل في الماتش ومحدش بيشوف اللي بيحصل برا”.

وواصل: “أنا سهل الاستفزاز لما يبقى ليا حق، ومن 20 سنة محدش جابلي حقي من جماهير الأهلي واتعرضت لعنصرية أنا وزوجتي وابني، واللي بيحصل معايا محصلش مع حد تاني، والتجاوزات اللي حصلت ضدي محصلتش ضد أي لاعب في التاريخ”.

واستمر: ” كارتيرون أول ما رجع كنا زعلانين منه عشان سابنا ومشي في وقت مهم حتي أنا مكنتش قادر أتدرب معاه لحد ما قعدت معاه أنا وعبدالشافي وفهمنا هو مشي ليه وخلاص الدنيا أتغيرت، وهو مدرب كبير وبيتعامل بشكل ممتاز مع اللاعبين”.

شيكا بيجيب نسوان

وواصل: :مره كنت في فندق وأنا وزوجتي وآدم، ومرة واحدة واحد قال إزاي شيكا يجيب «نسوان»، وبعد كده فهمت أن فيه لعيبة في نادي تاني جابوا ستات وشرب فسيبت الفندق ومشيت”.

سأتجه إلى مجال التدريب

وأشار شيكابالا إلى أنه بعد اعتزاله كرة القدم ناوي يدخل مجال التدريب وهيسافر هولندا للحصول على شهادة من أكاديمية كرويف في هولندا وأمنيتي تدريب نادي الزمالك.