قال الرئيس عبدالفتاح السيسي، إن وزارة الداخلية تعثر بشكل متكرر على مصانع مخالفة تعمل بدون ترخيص، وبالتالي كانت تتخذ الإجراءات القانونية تجاهها، موضحًا أنه يمكن تقنين وضعها بدلًا من مقاضاتها.
وأضاف السيسي، خلال كلمته أثناء افتتاح سلسلة مشروعات قومية بمختلف القطاعات بالصعيد، السبت، «كل يومين أو كل يوم ألاقي وزارة الداخلية ماسكة مصانع بيسموها مصانع بدون ترخيص، وكان بيتعمل لهم قضية، معرفش اللي هقوله ده مناسب ولا لأ.. فأنا قلت يا جماعة دي ناس حاولت تشتغل حتى لو كانت طريقة العمل بتاعتها مش مظبوطة، طب ما أنا أخليه مظبوط».
وأاضاف: «يعني القضية بتتعمل عشان هو مخالف، طب ما أنا أقنن له وضعه، أروح واخده أقوله تعالى إحنا مسكناك غلط تعالى نعمل الصح»، مؤكدًا: «مش بقنن له وضعه عشان آخد منه حاجة، وأنا بقولها لكل اللي بيسمعني اوعى تفتكر إن البلد هدفها إنها تستجدي ضرائب لأ إحنا مش عايزين حد مننا يغلط أو يبقى في مواجهة القانون مش بنتصيد لك الغلط».
وشهد الرئيس السيسي افتتاحات المشروعات القومية اليوم، والتي تأتي ضمن فاعليات «أسبوع الصعيد» في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددا من المجمعات الصناعية والمحاور والطرق لا سيما المحاور العرضية على نهر النيل.
