هاجم محمد شعبان، والد المطربة بوسي بنته مرة أخرى وقال: “أعاني من الحساسية والبروستاتا، وبقالي 21 سنة عايش لوحدي، وأنا اللي بطبخ وأغسل وأكل نفسي، وبعمل كل حاجة لنفسي”.
وأضاف خلال لقائه ببرنامج “سعد مولعها نار” الذي يقدمه المطرب الشعبي سعد الصغير بقناة “الشمس”: “بنتي بوسي كانت الأول بتبعتلي كل شهر فلوس مع أمين أخوها وأنا حتى شغال، ولما قعدت خالص عينيا الاتنين مبشوفش بيهم وقفلت ورشتي وبنتي بقت تبعتلي فلوس وفجأة مبقتش تبعت”.

https://youtu.be/ZL6fZV0vib0

وتابع: “لما بنتي مبقتش تبعتلي فلوس روحتلها فيلتها في حدائق الأهرام، وقلت لها أنا مديون في إيجار الشقة والورشة راحت عطياني 8 آلاف جنيه، وبعد كده مبقاش فيه فلوس”.
وأكمل : “هاجمت بنتي بوسي في التليفزيون لأن كنت في الأيام دي تعبان ماديًّا ومحتاج اللي يساعدني، وبنتي بعدها كرهتني ومنعت عني الفلوس اللي كانت بتبعتها، ودلوقتي مبقتش تبعت خالص”.

https://youtu.be/txWxQRlLj30

واشتكى محمد شعبان والد المطربة الشعبية بوسي، في تصريحات تليفزيونية سابق، من تخلي ابنته عنه في ظل ظروفه الصحية الصعبة التي يمر بها بعدما وصل عمره 77 عامًا.