شارك الفنان بهاء سلطان في الندوة التثقيفية الـ35 للقوات المسلحة، احتفالا بيوم الشهيد.
قدم بهاء سلطان أغنية “نبأ عاجل” التي تدور فكرتها حول عائلة تتابع التليفزيون، ويفاجئهم نبأ عاجل يعلن استشهاد أحد الأبناء أثناء دفاعه عن الوطن.
وتقول كلمات أغنية “نبأ عاجل”
في لمة عيلة مبسوطة وتليفزيون وفيلم جميل
قطع فجأة وقام ظاهر شريط أحمر وفيه تفاصيل
بيان مخصوص
وبدأ الخوف شعور محبوس
كأن الأم كانت حاسة
خلاص دي نهاية القصة
وتدعي يا رب يبقى كابوس
نبأ عاجل
فدانا بروحه كام راجل
بندعي لهم بقوا شهداء
وخوف بيزلزل الأعداء
وهو بيعلن الأسماء
صدمة وقف الكون ثواني لما قال اسم الولد
الشهيد فلان الفلاني مات عشان يحمي البلد
فجأة هز البيت سواد
واتقلب فرحه لحداد
هو ده الحضن الأخير
هو ده أخر ميعاد
من ساعتها البيت غريب
ناقصه روح ناقصه الحبيب
اللي مات عشان بلاده
جوه كل قلوبنا حي
لسه أوضته مرتبة
كتبه جوه المكتبة
كل خبطة باب بتجري الأم حاسه أنه جاي
كلنا ولادك يا أمي
دم ابنك هو دمي
والحكاية مانتهتش
تار ولادنا جاي جاي