رد المستشار مرتضى منصور، رئيس مجلس إدارة نادي الزمالك، على بيان النادي الأهلي الذي طالب برحيل لجنة الحكام واتخاذ قرار بالانسحاب من السوبر والكأس.
وقال مرتضى عبر شاشة قناة الزمالك: «الأهلي يعلن الانسحاب بسبب هدف تسلل، والزمالك يتعرض للظلم من الحكام منذ 50 عامًا».
وأكمل: «ده الزمالك جبل إنه استحمل 50 سنة ظلم تحكيمي، والخطيب من كورة عايز ينسحب».
وواصل: «من ينسى هدف حسن شحاتة الشهير في مرمى الأهلي الذي ألغاه الحكم؟».
زوجه المستشار مرتضى منصور رئيس نادي الزمالك رسائل نارية إلى محمود الخطيب رئيس النادي الأهلي، وذلك عقب بيان مجلس إدارة القلعة الحمراء.
وقال مرتضى منصور رئيس نادي الزمالك في تصريحات لقناة القلعة البيضاء الرسمية: «الخطيب بيلعب بالنار في وقت البلد مش مستحملة اللعب بالجمهور».
وواصل رئيس نادي الزمالك: «مش معقول كل يوم بيان، انت بتعادي الناس كلها يا كابتن خطيب، هدي اللعب شوية مش عشان جول اتلغى هنولع في البلد».
وأكمل مرتضى منصور: «الخطيب السبب في ما يحدث لفريق الأهلي، لما رفض إلغاء الدوري وقت جائحة كورونا وأصر على استكماله، وكلم الجهات المسؤولة كلها».
وأضاف مرتضى منصور: « انت قررت تلعب بالناشئين عشان خسرت الكبار لما رفضت الدوري يتلغي يا كابتن خطيب.
وواصل مرتضى منصور: «يا كابتن خطيب مستعد أجيب تحكيم أجنبي للأهلي على حسابي ومفيش داعي نعمل مشكلة، والغندور ظلمنا كتير بس عمرنا ما عملنا كدة.. يا خطيب بطل تشحن الجمهور»
وأكمل رئيس نادي الزمالك: «الأسطورة الوحيدة في تاريخ مصر هو محمد صلاح.. والأهلي ليس “فوق الجميع”.. بل مصر فوق الزمالك والأهلي».
وأردف مرتضى منصور: «الأهلي هدد بالانسحاب من السوبر وكأس مصر، عشان خايف يخسر من الزمالك مجددًا».
وأضاف مرتضى منصور: «يا كابتن خطيب بص في ورقتك، انت مش عاجبك حاجة، ومش عايز تعترف أنك عندك مشكلة وفي الآخر بتهدد».
وأكمل مرتضى منصور: «خذ بنصيحتي ومن شخص أكبر منك وعضو مجلس إدارة في 1992 ثم نائب رئيس ثم رئيس لا تشحن الجمهور البلد مش مستحملة يا كابتن خطيب».
واختتم مرتضى منصور رسائله إلى رئيس الأهلي: «يا خطيب قلتلك قبل كدة بلاش تعادي الدولة، بلاش تمشي ورا العيال الخونة.. خليك مع بلدك، بلدك اللي بتصرف عليك، الأهلي مش فوق الجميع، انت ماشي في طريق والطريق ده نهايته معروفة».
وكان الأهلي قد قرر اكمال مشواره بالدوري المصري الممتاز بلاعبيه الناشئين
