رد الفنان أحمد فلوكس عبر حسابه الرسمي على موقع التواصل الاجتماعي فيسبوك، على تصريحات محمد رمضان حول انتقاد أدوار والده، وكتب خلالها: «شوف يا حماده، انت ترفض إنك تعمل دور صبي رقاصة لأنك دايمًا نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جدًا وبتعمله سهل وانت عريان ما دريان، نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان».
وأضاف: «أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان».
و جاء رد «فلوكس» بعد تصريح محمد رمضان خلال لقائه على قناة النهار مع الإعلامية «نجوي إبراهيم» تحدث قائلاً «فى فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير».

تصريحات فاروق فلوكس

ومن جانبه رد الفنان فاروق فلوكس، على تصريحات الفنان محمد رمضان الأخيرة، وسخريته منه لتجسيد دور صبي راقصة، مشيرًا إلى أنه لن يتمكن من إتقان الشخصية مثله.
وقال فاروق فلوكس في تصريحات صحفية، “انا ماعملتش دور صبي الرقاصة فقط، انا عملت ادوار تانية مهمة، وكتير فالجيل الحالي يتمنو يقدمو نفس الأدوار دي، وده لأهميتها”، موضحاً: «عملت دموع في عين وقحة، بطولة الأستاذ عادل إمام»، ودي لغة الفن اللي مابتمشيش بنوعية واحدة، جميع أدواري اللي قدمتها على مدار مشواري الفني بقدم شخصيات مختلفة، وهي دي اللي الناس بتصدقها.
وتابع: «لما أعمل شخصية صبي رقاصة لا بد أن تكون الشخصية فيها مضمون، لو هو مش فاهم في ده هو حر، لكني أنا مجرحتش حد خالص، ولا حتى المشاهد كان مخلة في أي شئ، ولكني نجحت في تجسيد الشخصية، والدليل ان كل المشاهدين صدقوني فيه».
وعن أسباب هجوم محمد رمضان عليه، أكد فاروق فلوكس أنه لا يعرف سبب كل هذا الهجوم، ودائما أسأل نفسي لماذا دائما يحاول أن يقلل من حجم النجوم الكبار، متابعاً: «أنا مش عارف هو بيهاجمني ليه، بس انا موكل ربنا فيه لأنه المفروض من دور ابني وانا زي أبوه، فليه بيعمل كده؟ كل ده عشان اللي اسمه الترند».
وأردف فاروق فلوكس تصريحاته قائلا: «محمد رمضان هو لو جتله شخصية زي اللي أنا قدمتها، والله ماهيعرف يقدمها بالإتقان ده، لأن هو كتير بيظهر واد شقي وبتاع أكشن وهو شاطر في كده، لكن هو كممثل مستواه كويس، لكن ثابت ومش بينوع أدواره ولا بيجدد نفسه أصلا».
وكان سبق، للفنان محمد رمضان، وقام بمهاجمة الفنان فاروق فلوكس، خلال لقائه الإعلامية نجوى إبراهيم المذاع على قناة النهار، وقال: “فيه فنان كبير عمل أشياء أرفض أن أفعلها، عمل أدوار صبي عالمة ولو هاشحت مش هبقى زيه ولا هاقدم الأدوار دي».
وقام أمس الفنان أحمد فلوكس و قام بالرد عليه بعد هجومه على الده، وقال له «انت طبعا هاترفض دور صبي الرقاصة عشان انت نمبر 1 وعينك على دور الرقاصة نفسها، وفعلا انت اخلاقك أخلاق صبي رقاصة».