أعلنت مصممة الأزياء علياء البسيوني طلاقها من الفنان أحمد سعد، بعد إنجابهما فتاتان وهما: علياء ومريم، مشيرةً إلى أنه كان قرارًا نابعًا من أحمد سعد وليس منها.
وكتبت علياء بسيوني عبر خاصية ستوري لحسابها على انستجرام، الآتي: الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله الغير طيب ومعدنه السئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.

وأضافت علياء بسيوني: وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام  وأنت مش عارف حاجة عشان مشغول في الساحل وخروجات وبعدها شغلك.
وأردفت علياء بسيوني: أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت.

سمية الخشاب تسخر من طلاق أحمد سعد

نشرت الفنانة سمية الخشاب عبر حسابها الخاص على موقع إكس، تويتر سابقاً، مقطع فيديو من مسلسلها الشهير «ريا وسكينة» ظهرت فيه وهي تقول: «يا لهوي ليه؟»، ثم تبدأ في الرقص.

وحصد الفيديو في أول ساعات من نشره مشاهدات كثيرة، وحصل على مئات الإعجابات، مع تعليقات تؤكد سخرية سمية من طلاق أحمد وعلياء، وحذفت الخشاب الفيديو لاحقاً!