كشف المخرج هادي الباجوري كواليس انفصاله عن الفنانة ياسمين رئيس، مؤكدًا أن سبب الانفصال بعيد تمامًا عن تصريحاته عن الغيرة.

هادي الباجوري يكشف سبب انفصاله عن ياسمين رئيس
وأوضح المخرج هادي الباجوري، سبب انفصاله عن ياسمين رئيس، قائلًا: «سبب طلاقي من ياسمين رئيس مش بسبب تصريحي على الغيرة، التصريح ده كان في انترفيو وكان الكلام على إن لو في أدوار معينة ممثلة لازم تعملها».
وتابع هادي الباجوري: «انا كنت وقتها عامل فيلم قمر 14 وكان فيه بوس لشيرين رضا وخالد النبوي، وقالوا لو ده اتطلب من ياسمين وهي كانت مراتي ساعتها هل هتوافق على كده؟»، مضيفًا: «وكان ردي عايزني أبقى منافق يعني مينفعش ابقى موافق إن ممثلة تانية تعمل ده ومش موافق على دي عشان هي مراتي».

وأكمل هادي لباجوري حديثه قائلًا: «أيوة هي لو موجودة في فيلم زي ده ومشهد زي ده هخليها تعمل ده، مش هقدر أقولها لأ عشان هبقى منافق والموضوع مكانش ليه أي علاقة بالغيرة، هو ليه علاقة إني راجل مؤمن باللي أنا بعمله وبقدمه بشكل واضح وصريح».
وأعلنت الفنانة ياسمين رئيس، في وقت سابق، انفصالها رسميًا عن زوجها المخرج هادي الباجوري، وذلك من خلال تغريدة عبر حسابها الشخصي على موقع التواصل الاجتماعي إكس «تويتر سابقًا»، قائلة: «وَإِنْ عَزَمُوا الطَّلَاقَ فَإِنَّ اللَّهَ سَمِيعٌ عَلِيمٌ.. صدق الله العظيم، الحمد لله على كل شىء، عشرة طويلة ولكنها لم تدم».