علقت سمر عنتر خريجة كلية تربية رياضية بجامعة أسيوط، على الفيديو الذي تصدر التريند على وسائل التواصل الاجتماعي وهي ترقص في حفل التخرج الخاص بدفعتها.

وقالت سمر عنتر خلال مداخلة هاتفية مع الإعلامية عزة مصطفى، مقدمة برنامج «صالة التحرير»، المذاع عبر فضائية «صدى البلد»، إن فيديو رقصة التخرج ليس عارًا أو عبء عليها، ولكن تعليقات رواد مواقع التواصل الاجتماعي سبب صدمة وانهيار لها لأنها لم تخرج عن المألوف.

وأضافت صاحبة فيديو رقص التخرج: أنا خصيمة أي حد تكلم عني أو تكلم في شرفي، أنا طالعة أتكلم النهارده علشان خاطر أهلي، يوم التخرج ده المفروض يوم ذكرى جميلة، بسبب كلام مستخدمي السوشيال ميديا تحول لذكرى مش كويسة.

وتابعت: «هو كل اللي تصدر التريند بقي بطل أو مشهور، أنا الموقف مخرجتش فيه عن النص أو تجاوزت، لبسي محترم ومش في خروج عن النص، أنا مش وحدة وحشة أنا بطلة تايكوندوا، ومدربة كمان».

وانهارت سمر عنتر بالبكاء أثناء حديثها مع الإعلامية عزة مصطفى، لترد الأخيرة عليها قائلة: «من حقك تفرحي وتعيش اللحظات الحلوة دي، أنا مش عايزكي تعيطي ولا تبكي أنا بحضنك وببوسك، ربنا ياخد كل شخص ييشهر بأي حد، أو يأذي أي شخص أو يكون سبب في أذيته، ربنا ينتقم منه، حقك على رأسي يا سمر أنتي بـ 100 راجل يا سمر».