أكد أحمد حسن، المشرف العام على الكرة بنادي بيراميدز، أن العاملين في النادي تعرضوا للإهانة من قبل «لجان موجهة» حسب قوله.

وأضاف حسن خلال مداخلة هاتفية مع مدحت شلبي على قناة بيرامديز في الساعات الأولى من صباح الثلاثاء أن «تجربة النادي مستمرة»، مكملا: «بنشتغل مهنتنا بشرف، وبنقبض بشرف، ومخدناش فلوس من الهوا».

وأشار أحمد حسن “مش بشتغل عشان فلوس، بشتغل عشان ذاتي، وعشان أنا عايز أنجح، والناس للأسف مش عايزة تشوف». وأردف قائلًا: «إحنا مكملين، ولما جه أبوناصر (تركي آل الشيخ) وقعد معانا، وقال لنا حلمه في مصر (..) إحنا مش بندمر نادي الأهلي زي اللجان ما بيقولوا».

وقال: «اللجان بتقول إننا بندمر الكرة المصرية، على أساس إنها كانت في العالمية وإحنا اللي أخرناها، الناس عايزة منظومة محترمة؟ ولا عايزة بس تدمر أي حاجة كويسة؟». وأضاف: «إحنا تعبنا في تجهيز الفرقة، ومش هنسيب الحلم مهما كان، ومهما اتعرضنا لإهانة، أنا كابتن منتخب مصر 17 سنة، إيه (…) ده، وإيه اللجان دي، الناس ما اشترتناش بفلوس، إحنا اشتغلنا بعقود». وتابع: «مش إحنا اللي خونا، ولا إحنا اللي بعنا، إحنا شغالين بقيمتنا وباسمنا (..) إحنا مكملين، معندناش أزمات، ومش هنتنازل، ومش قلة قليلة هتهزنا بعد الاستثمار ده اللي الدولة بتسانده».

https://youtu.be/8zYNttTu5l4