خرجت الفنانة ريهام حجاج عن صمتها وقررت الرد على هجوم البعض عليها على مواقع التواصل الاجتماعي، عقب إعلان زواجها من رجل الأعمال محمد حلاوة طليق الفنانة ياسمين عبدالعزيز، بدعوى أنها كانت السبب وراء الانفصال بينهما.
وقالت «ريهام» على حسابها على انستجرام: «الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على إنها شىء ممكن يضايقني أحب اقولهم اطلاقا».
وقالت: «كل محاولات التشويه اللي عمالة تحصل لواحدة اتجوزت على سنة الله ورسوله من راجل مطلق أصلًا إن دلت على شئ فتدل على مرض النفوس، ونصيحة للستات الفاضية، مفيش راجل بيتسرق».
وأضافت ريهام: «الناس بتتجوز وتطلق عادي وكل شئ قسمة ونصيب وربنا اللي بيبقي كاتب ومقدر، بلاش تفاهة ولو كل واحد طلع صورته من خمستاشر سنة هيلاقي شكله اختلف عادي!!»، خاصة صور الأفراح اللي فيها ٣ كيلو مكياچ، دا رسمة الحواجب بتفرق، المهم الجوهر وأنا مفيش حاجة في حياتي ممكن أتكسف منها واللي حاصل دا تفاهة وحقد عشان دا جواز».
وتابعت:«طبعا الكلام دا للمرضي النفسيين أما كل الناس الطبيعية إللي باركتلي وفرحتلي ومعرفتش أرد عليهم من كترهم، بشكرهم وبقولهم يا رب مسلسل كارمن يعجبكم، يوم ١٠ فبراير على سي بي سي ان شاء الله».
