دشن رواد مواقع التواصل الاجتماعي فيسبوك وتويتر، حملة جديدة تحمل شعار “خليها تعنس”، في دعوة منهم لمقاطعة الزواج بسبب ارتفاع التكاليف الخاصة به، والتي تشمل “شبكة ومهر وشقة”، وهو ما أثار غضب الكثيرين من الفتيات والسيدات، فيما لاقى استحسان وتأييد الشباب من الرجال .
وظهرت المنشورات الرافضة لهذه الحملة من قبل الفتيات احتجاجًا على تدشين الحملة.
وقالت إحدى المغردات قالك فيه حملة اسمها #خليها_تعنس طيب ده علي اعتبار أنه الجواز هو أكبر إنجاز ممكن تحققه البنت في حياتها؟ فيا حرام كده ضاع منها أهم إنجاز في التاريخ”.وأضافت معللة هجومها “نسبة كبيرة من الشباب غير قادرين أصلا علي تحمل المسئولية، ومع أول مطب أو مشكلة تقابله تفكيره بيقف ومبيعرفش يتصرف ونسبة كبيرة من الأهالي بيصرفوا علي بناتهم بعد الجواز وكل واحد في المحيط اللي حواليه حيلاقي علي الأقل حالتين من النوع ونسبه كبيرة من الستات في مصر هي اللي فاتحه بيوت بعد الجواز وهي اللي شايله المصاريف من الألف للياء وجوزها ميعرفش حاجة عن البيت”.
الستات مش بضاعة، هكذا استهلت ريما منشورها المعارض وبشدة لفكرة الحملة، فكتبت “الستات مش بضاعة هتتركن في المخازن وقيمة البنت في شخصيتها مش مرهونة إذا كانت مرتبطة براجل ولا لا مشكلة كتير من الرجالة المصريين والدول الناطقة باللغة العربية عموما أنهم فاكرين نفسهم أملة أو جايزة وهييجي ينقذ البنت من “العنوسة” لا لسبب سوى لأنه “راجل” بل ويظن البعض أن حياة البنت لا يمكن أن تكون بدون راجل. الحقيقة يا جماعة انتوا مش جايزة خالص ولا املة ولو قارنتوا نفسكوا بدول تانية هتكتشفوا الفرق”.
