هاجم الإعلامي عمرو أديب، بعنف، علاء مبارك، نجل الرئيس الأسبق حسني مبارك، بسبب نشر «علاء»، أمس، مقطعي فيديو للإعلامي يشيران إلى تغير موقفه من الرئيس الأسبق قبل وبعد ثورة 25 يناير.
وأضاف “أديب”، خلال برنامج “الحكاية”، المذاع على قناة “إم بي سي مصر”، إنه التزم الصمت طوال فترة تواجد الرئيس الأسبق ونجليه في السجن، ولكن مع خروج علاء والإشارة إلى أنه يغير مبادئه ومواقفه، فلن يظل صامتًا وسيكشف الستار عن فساد الأسرة، معقبًا: “اللى أنت عملتوا يا علاء مش مجدعة دا أنا عمري ما قربت لكم إنما الشيطان يوزك عليا هذا غير مقبول.. خلص نفسك الأول وبعدين دور عليا”.
واتهم “أديب” أسرة الرئيس الأسبق حسني مبارك بوقوفها وراء إشعال النيران في سيارته وحرقها، متسائلًا: “مين اللى رمي على عربيتي مية نار وولع فيها يا علاء؟ انت بتستغل إن المصريين عندهم ألزهايمر.. اللى زيك برا مبيبقوش موجودين خلاص.. انتوا نظام انتهى.. وأنا عارف انت بتعمل ايه.. جبته لنفسك وجيت عند واحد مستبيع من يوم ما وقعت انت وابوك.. ولو انا موالس مع الوالد قعدت في البيت ليه.. ابوك اللى قعدني في البيت ومكنتش لاقي آكل”.
وأوضح أن مشكلته مع علاء مبارك ليست شخصية ولكن الأمر يتعلق بالدفاع عن وطن وإظهار الحقائق، لافتًا إلى أن علاء مبارك عقب اندلاع ثورة 25 يناير قال للمحيطين به: “جمال هيودينا في داهية”.
وأكمل: “اللى كان بيحكم البلد أيام مبارك جمال وعلاء، واحد للسياسة وواحد للاقتصاد.. بأي عين هتروح تقبض الفلوس اللى في سويسرا.. مش هسيبك تبقي عظيم ولا ترجع لا أنت ولا أخوك.. ملايين سويسرا منين يا علاء.. لو انت مش عاجبك البلد قول.. عملت حساب ليكوا وانتوا في السجن لكن ما دام خرجتوا تعالوا بقي نقف قدام المحاكم ونعمل مناظرات وكل حاجة”.
وكان نجل الرئيس الأسبق نشر فيديو تم تداوله الفترة الماضية عبر منصات السوشيال ميديا، تجرى فيه مقارنة بين تصريحات عمرو أديب التي يمدح فيها الرئيس الأسبق أثناء تواجده في الحُكم، وهجومه عليه بعد ثورة 25 يناير، على طريقة “قبل وبعد”.
