أقام «وليد.ي» 28 عامًا، دعوى «تطليق» حملت رقم 1684 / 2019 ضد زوجته «مريم.ع» 23 عامًا، بعد 3 سنوات من الزواج، طلب فيها الانفصال عنها بسبب الخداع والغش، لاكتشافه إجرائها عمليات تجميل قبل الزواج منه.

وقال وليد: «اتعرفنا على بعض في الجيم بتاع النادي وأعجبت جدا بيها وأكتر حاجة حبيتها فيها اهتمامها برشاقتها وجمالها الطبيعي، وبعد الزواج كنت أسعد إنسان لما عرفت إنها حامل في بنت واتمنيت من كل قلبي تطلع البنت حلوة لأمها لكن بعد الولادة الشك ملا قلبي

وأضاف  في تصريحات صحفية: «لاقيت البنت مش شبهنا وبعد ما كبرت شوية عملت تحليل DNA  وفعلا طلعت بنتي لكن أمها عملت معايا مشكلة لأني بشك فيها وصدفة عرفت من والدها إنها عملت عملية تجميل في مناخيرها ونحت لجسمها وشفط دهون بالإضافة إلى إني عرفت استخدامها لمستحضرات تجميل لفرد شعرها عشان أكرت وبنتي طلعت وحشة لأمها».

وتابع: «مبقتش واثق فيها ولا في أي حاجة بتعملها دي إنسانة كذابة وبتخبي علي كل حاجة وعشرتنا بقت مستحيلة اللي يغش ويخدع ويعمل كدا مرة يعملها ألف مرة هي وأهلها خدعوني عشان أتجوزها”.