لم تتوقع “عفاف.ط”، 27 عامًا، أن يتركها زوجها قبل حفل الزفاف لسبب خارج عن إرادتها، “عمري ما شوفت راجل يسيب مراته يوم الفرح علشان ظرف غصبن عنها مقدرش يستحمل كام يوم وقرر إني نحس ومش هيكمل الجواز”.
وروت عفاف تفاصيل مآساتها قائلة “بعد تحديد موعد الزفاف وشعورها بآلام الدورة الشهرية، “معرفتش أعمل إيه مكنش ينفع نأجل الفرح لأي سبب ومفكرتش أن ده ممكن يكون سبب أن الجوازة متكملش”.
وأضافت خلال حديثها لمجة «هن»: “مش هينفع نكمل مع بعض”، بدون أي مقدمات ينتهى الزواج عند مرحلة كتب الكتاب، ليكون سببًا في إصابتها بالمشكلات النفسية بعد تركها يوم حفل الزفاف.
قصة حب جمعت بينهما، ولكن وضعت نهايتها قبل بدايتها بسبب تأثره بحديث والديه، قائلة: “أهلوا اقتنعوا إني نحس علشان الدورة جت قبل ميعادها المعتاد واقتنع بكلامهم وطلقني”، حاولت الزوجة العشرينية إقناعه بعدم الابتعاد عنها ولكن دون جدوى.
صدمة غير متوقعة تعرضت لها “عفاف”، بعد ارتداء فستان الزفاف، “يوم الفرح وبعد ما لبست الفستان وكل حاجة بقت جاهزة قالي خلاص مش هينفع نكمل أنا حاسس أن هيبقى في مشاكل بينا بعد الجواز وأكبر دليل موضوع الدورة اللي جاتلك فجأة”.
مواجهة عنيفة مع نفسها وأهلها حاولت أن تبحث عن أي سبب آخر غير السبب الحقيقي لطلاقها المفاجئ: “أنا كرهت الجواز وخلاص مش هتجوز تاني أي عريس هيتقدم هقوله اطلقت ليه؟”.
