شن أكرم، ابن الفنان محمود البزاوي، هجوما على فريق عمل فيلم “كازابلانكا” للنجم أمير كرارة، بسبب عدم تواجد والده على الأفيش الدعائي للفيلم الذي قام المخرج بيتر ميمي بنشره أمس عبر مواقع التواصل.
وقال أكرم عبر حسابه بموقع فيسبوك: “مبدئيا ابويا ماعندوش اي فكره عن البوست ده انا ابويا طيب و يمكن طيبته دي هي اللي كانت سبب في تأخير نجاحه وانه كتب من الباطن كتير مثلا زي ما قولت قبل كده وكان دايما بيعمل حاجات وتنجح ومفيش حد يعرف أنه له دور في نجاح العمل ده بس اللي كان بيصبره ان ربنا هيعوض”.
وأضاف: “بعد ما قدر يوصل بدراعه للي هو فيه لسه في ناس مش مقتنعه بي بس ده حقهم لان مفيش حد عليه إجماع بس طالما مش مقتنع بحد يبقى ما تحرجوش و ابعد عنه احسن لانه في نظرك مش الشخص اللي يفيد”.
وأكمل: “في رأيي الشخصي ناس كتير بتعرف تتصور بس مش الكل بيعرف يمثل واسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي”.
واختتم: “ابويا قالي انه عامل دور مهم في الفيلم ده و يمكن بيكدب عليا و طالع كومبارس ساعتها ها تأسف على البوست”.
