نشر نشطاء عبر موقع التواصل الاجتماعي “فيس بوك” صورا لصبي مصاب بمتلازمة داون، يتعرض للتنمر والإيذاء من قبل عدد من الشباب بمنطقة باب الشعرية في القاهرة.
ونشر أحد النشطاء ويدعى محمد يسري عبر صفحته الشخصية صورا للصبي، ذاكرا تفاصيل الواقعة.
وكتب قائلا: “أنا امبارح اتعرضت لأسوأ تجربة ممكن حد يتعرض لها.. كنت باكل في مطعم شهير بباب الشعرية الساعة ٧ الصبح أنا واخواتي البنات وجوز أختي وولادهم، وكان في نحو ٦ شباب من العيال اللي بيطلق عليهم سرسجية نازلين ضرب واستفزاز في الولد اللي عنده متلازمة داون اللي في الصورة ده، بالمناسبة اسمه “حباظة والحفلة اكتملت بإرهاب مكتمل الأركان لما جه المراهق اللي في الصورة ده ومعاه كلب چيرمن شيفرد وشرس وفضل يهدد بيه الولد ده ويجري وراه بالكلب فترة طويلة في وسط ضحك وكركره من كل الموجودين وصمت غريب من اللي شغالين في المطعم الشهير”.
وأضاف يسري: “انا كنت هقوم اتخانق وادافع عن الولد واللي حاشني جوز اختي لأنه ممكن يتعمل عليا حفلة أكبر من اللي بتتعمل على الولد الغلبان واللي سكتني أن معايا ستات وأطفال وخفت عليهم من البهدلة، مسكنا الاستاف بتاع المطعم هزئناهم لأن اللي حصل حصل على ترابيزاتهم وتحت عنيهم حتى محاولوش يمنعوا ده يحصل على مطعمه، وأنا حاولت اوصل قسم باب الشعرية امبارح عشان اقدم بلاغ في اللي حصل بس للاسف انا مليش صفة عشان اقدم البلاغ”.
