ردت الفنانة الشابة، اسما نجلة الفنان شريف منير، على هجوم الجمهور عليها، منذ قليل، بعد وصفها أفكار إمام الدعاة محمد متولي الشعراوي بـ”«التطرف» قائلة ردًا على أحد متابعيها عبر حسابها الرسمي على “فيس بوك”: “طول عمري كنت بسمعه زمان مع جدي الله يرحمه ومكنتش فاهمه كل حاجه، لما كبرت شفت كام فيديو مصدقتش نفسي من كتر التطرف، كلام فعلًا عقلي ما عرفش يستوعبه.. حقيقي استغربت”.
وقالت اسما عبر حسابها الرسمي على “تويتر” : “مش ممكن محدش ينفع يقول كلمة من غير هجوم هو في ايه؟ ايه التنمر والتعصب والجحود ده؟!”.
وكانت نجلة الفنان شريف منير طلبت من جمهورها ترشيح شيخ تشعر فيه بالثقة بدلًا من بعض الدعاة الموجودين على الساحة قائله : “صباح الخير عايزه اخد رأيك في حاجه، بقالي كتير مش عندي ثقه في اغلب الشيوخ، كتير منهم مدعين ويا متشددين اوي يا خلطين الدين بالسياسة، نفسي اسمع حد معتدل محترم معلوماته مش مغلوطة، لسه في حد كده؟”.
اعتذار أسما
وعادت أسما معتذرة عما بدر منها قائلة عبر صفحتها الشخصية على موقع التواصل الإجتماعي “فيس بوك”:” حصل بينى وبين شخص حوار اسأت فيه التعبير عن اللي عايزه أقوله و حساه، اتفهم كلامى علي انى انتقد فضيلة الشيخ متولي الشعراوى انا بتكلم من غير ما بحسب كلامي و انا مقصدش باي حال من الاحوال اني اغلط أو يوصل كلامي بشكل غلط كده ، انا مش بقيم فضيلة الإمام”. وتابعت:” انا عموما عمري ما احب اغلط في حد..و انا باعتذر جدا جدا عشان لم استطع ان احسن التعبير واختيار الكلمات الصحيحة وده يمكن عشان لسه بتعلم و ده عن عدم إدراك انا لسه بتكلم علي طبيعتي زي اول يوم قررت اني اظهر علي السوشيال ميديا، بس دلوقتي لازم اخد بالي من كل كلمه بقولها عشان كل حاجه بتتحسب عاليا و ده جديد عليا”.
