أعلن المستشار مرتضى منصور، رئيس نادي الزمالك، إنه حذر لاعبي الزمالك من التسوق، أو إنفاق مليم في قطر.
وتابع خلال مداخلة هاتفية لبرنامج “علي مسئوليتي”، المذاع على قناة “صدى البلد”:”عملية رأفت الهجان نجحت في قطر، وقلت ميشرفنيش أروح قطر؛ علشان هي مستنقع الإرهاب، وولادنا كانوا رايحين وكأنهم بيلعبوا في تل أبيب وقلت لهم: انتوا بتمثلوا مصر ورايحين دولة معادية بتكرهكوا، وروحنا في ظرف استثنائي علشان نثبت ان المصرييين مبيخفوش من حد، ولازم نرفع رأس بلدنا”.
وأضاف: “قلت للاعبين ممنوع تشتروا قلم من قطر، وفروا الفلوس بتاعتكم واطلعوا على دبي وأبو ظبي استمتعوا هناك في بلد شقيقة، واشتروا اللي انتوا عايزينه”.
وتوجه “منصور”، بالشكر لرانيا علواني، عضو مجلس إدارة النادي الأهلي، بعدما تقدمت بتهنئة الزمالك بفوزه ببطولة السوبر الإفريقي، لافتًا إلي أنه يتوقع فوز فريقه بكأس السوبر المصري الخميس المقبل.
