روت الفنانة ميمى جمال، قصة حبها لزوجها الفنان الراحل حسن مصطفى ولماذا توقفت مرتين خلال مسيرتها الفنية، خلال برنامج “كلمة أخيرة” المذاع على قناة on، للإعلامية لميس الحديدى.

ميمي جمال

وقالت ميمى: “مرتين قعدت فيهم مش اعتزال، مرة لما والدتى تعبت أوى وجالها زهايمر، واعتذرت عن دور “راجل وست ستات” ورجعت العربون، وتانى مرة بعد وفاة زوجى حسن مصطفى، وهو رجل طيب وحنين وعطوف وكل صفات الدنيا فيه وخلفت بعد سنة ونصف، جبنا نورا ونجلا، ولما العمر ده كله يتعب أروح أسيبه وأمثل لا طبعا، 28 يوم قعدت تحت رجله في المستشفى، وآخر يوم شافنى قاعدة حتة إيدى على خدى، فقالى ميمى نزلى إيدك من على خدك هتحطى بعديها كتير ممكن أشرب مايه وشرب واتوفى”.

وتحدثت عن قصة حبهما، قائلة: “كنا زملاء مع بعض في المسرح، وهو عنده مشاكل مع زوجته، وكان مش عجبنى دور اللى بقدمه ومتضايقة، لقيت حسن جه وبيقولى أنا كمان مش عجبنى حاجات في حياتى الشغل ملهوش دعوة، بدأت صداقة نشتكى لبعض ونرغى سوا، بدأ الكلام يطلع حسن و ميمى، جابنا سيد بدير في المسرح، وقال ايه الكلام اللى طالع عليكو انتو، فيه حاجة بينكم، فقلت لا إحنا أصدقاء مفيش حاجة بينا”.

زواج ميمي جمال وحسن مصطفى

وأضافت: “جه حسن قالى أنا طلقت من 3 شهور لو طلبت منك الزواج توافقى قلتله إيه المفاجأة دى وماما مكنتش موافقة عشان راجل كبير وعنده بنت والوسط مش كويس، وكنت محتاجة ضهر، فكلمته قلتلته أنا موافقة اتجوزك و اتجوزنا”.

ميمي جمال وحسن مصطفى

تحدثت الفنانة ميمي جمال، عن فترة مرض زوجها الفنان الكبير حسن مصطفى، حتى رحيله عن عالمنا في 19 مايو 2015، لافتة إلى أنها ابتعدت عن التمثيل إثر ذلك.

“لما تعب مكنش ينفع أسيبه وأروح أمثل، فضلت تحت رجله في العناية المركزة 28 يوما”.

أضافت: “آخر حاجة بينا لقاني حاطة إيدي على خدي، فنادي عليّا وقالي يا ميمي نزلي إيدك من على خدك هتحطيها كده كتير بعدين، قولتله ليه بتقول كده؟ قالي بقولك يعني بلاش تعملي كده، قولتله حاضر”.

تابعت: “قالي ممكن أشرب؟ قولتله حاضر، قمت جبتله ميه من الثلاجة وشرب وشكرني، روحت قعدت على الكنبة لقيته اتوفى، آخر شربة ميه أنا ادتهاله وربنا أراد”.

أفلام ميمي جمال

ميمي جمال بدأت مشوارها الفني من خلال فيلم “أقوى من الحب” عام 1953 وهي ابنة 9 سنوات، وهو من إخراج عز الدين ذو الفقار، وتأليف محمد كامل حسن المحامي، وبطولة النجوم: شادية، عماد حمدي، مديحة يسري، زينات صدقي، وحسن البارودي وغيرهم.

بينما آخر أعمال ميمي جمال فيلم “لف ودوران” مع النجوم: أحمد حلمي، دنيا سمير غانم، صابرين، بيومي فؤاد، وجميلة عوض وغيرهم عام 2016