أثار ظهور السوبر ستار تامر حسني بطابع حسن، ضمن أحداث الموسم الثاني من برنامج اكتشاف المواهب سخرية الفنانة سما المصري.

وكتبت “سما” عبر صفحتها الشخصية بموقع انستجرام قائلة “والله ما بهرج ولا بسف عليه ولا بتريق، ده مطرب جامد بجد، بس نفسي والله حد يعرفني عمل غمازة في دقنه إزاي، نحت الوش ده عادي، نفخ وحقن وشد عادي، لكن غمازة إزاي يا جدع”.

وأضافت “حفرت في دقنك ولا إيه طيب، نفسي أعمل واحدة زيه، مش عيب على فكرة، التجميل أو إصلاح حاجة مش عيب، بس أموت وأعرف عملها إزاي ابن الفنانين ده، دي غمازته شبه غمازة سهير رمزي بالظبط، أنا عايزة من ده ياحزمبول”.

وكان تامر حسني، ظهر بطابع حسن على أفيش أحدث أفلامه “البدلة”، ورجح البعض قيامه بعملية تجميل، فيما قال البعض الآخر أنه خضع لتطبيق مكياج يظهر فيه بهذا الشكل.