قالت الفنانة حورية فرغلي: “اتجوزت 3 شهور وملحقتش أتعرض للخيانة، وكنت مخطوبة وكان حب عمري ومات قبل فرحي بيوم.

واعترفت حورية فرغلي خلال لقائها ببرنامج “حبر سري” المذاع على قناة “القاهرة والناس” لما جيت مصر ماما كانت عايزة تطلعني من الحالة النفسية اللي أنا فيها وبقيت أروح معاها النادي واتعرفنا على بعض وتقدم للزواج مني واتجوزنا بس مكنش بينا قصة حب وانفصلنا علطول بس إحنا لسه أصحاب وبيحلف بالبامية بتاعتي، وهو اتجوز وخلِّف وأنا مبسوطة بيه”.

وأضافت: “في سن معين بكون عايزة أحب وأتحب لأن الحب زي الهواء، بس أنا للأسف بعيدة عن الحكاية دي بقالي كتير، حتى مابتعاكسش في الشارع”.وأضافت حورية فرغلي: “هيجي وقت وجمالي هيروح وهقعد في البيت فالروح هي اللي هتبقى موجودة، وأنا من النوع اللي مش هشد وأنفخ فعايزة لما أبطل تمثيل يبقى عندي عائلة ونصي التاني اللي هقضي حياتي معاه”.

ولفتت: “في دماغي اعتزال التمثيل ولكن مش دلوقتي، وبسبب كلام الناس وتنمرهم عليا وهجومهم بسبب مناخيري كنت هبطل تمثيل”.