كشف الإعلامية سالي عبد السلام، عن معاناتها مع مرض الثعلبة، وطلبت من متابعيها الدعاء لها، وذلك من خلال تدوينة نشرتها عبر صفحتها على فيسبوك.

وكتبت سالي عبد السلام: “أنا فى الابتلاء ده من ٢٠١٧.. آخر مرة جتلى الثعلبة فى شعرى ومشيت وقالولى مش هتيجى تانى كان من سنتين نفس الشهر ده بالظبط أبريل ٢٠٢٠ عند الناس بتيجى بالواحدة.. أنا حتى فى دى ربنا بيختبرنى بزيادة.. سبحانك يا رب”.

وتابعت سالي عبد السلام: “يبتليك الله ويختبرك فى اكتر حاجة بتحبها أو كانت مميزة زمان والناس فاكرة انها زى ما هي والناس كلها بتمدحها وكانت حلوة زمان ويختبرك!!!!…”.

https://www.facebook.com/sally.abdelsalam.39/posts/pfbid0hGq33okftmwYH2sW9WirXZbrQ3Trg7S4wbGE4DjzBBb1k33WbarhE4kAE41sqZqEl

وأضافت: “الرضا من عندك يا رب عشان بدأ يروح منى، سامحنى واعفو عنى ومعنديش لا قوة ولا طاقة ولا قادرة أصبر، وأبدأ من جديد العذاب ده.. كان لازم أروح الفطار مع الولاد فى الدار ملهمش ذنب وأنا وعدتهم قبل ما اسمع الخبر وابقى مضطرة انبسط واجبر بخواطر وخاطرى مكسور”.

واستطردت: “رجعت أكتر حاجة بتوجع فى الدنيا حقن الكورتيزون فى الراس! ٧ حقن فى عضم الرأس بـ ٧٠ شكة، والدموع بتقع منى غصب عنى والله مع انى عمرى ما بعرف اعيط قدام حد ! الدكتورة سالى حضنتنى ربى يسعدك”.

واختتمت: “ ادعوا لى يعفو عنى وماخدش كورتيزون كورسات كاملة تانى واتبهدل تانى وابدأ من أول وجديد تانى والوجع تانى.. اللهم انك عفو كريم تحب العفو فاعف عنا.. اللهم أجرنى فى مصيبتى واخلف لى خيراً منها”.