أبدت الفنانة فريدة سيف النصراستغرابها من تجاهل الكثيرين لتاريخها وحصره في مشهد واحد مع الفنان عادل إمام.
وقالت الفنانة فريدة سيف النصر خلال لقائها ببرنامج “كلام الناس” المذاع علي قناة “ام بي سي مصر”:”الناس سابت تاريخي كله ومش فاركة ليا غير مشهد تعالي نقفش في الفراخ، مضيفة إن “فيلم “من فينا الحرامي” ده اللى جايبلي الكافية، والعيال اللى اتولدت بعد الفيلم بلاقيهم يفضلوا يقولولي لحد النهاردة نقفش في الفراخ ويفضلوا يغيظوني وكإنهم مسكوني في قضية دعارة، ده مشهد في فيلم ومكنش فيه أي حاجة غير ان عادل امام نام جنبي”.
وتابعت:”الولاد الصغيرة اللى بتفضل تغيظ فيا بسبب مشهد الفراخ، مش بزعل منهم وبقعد أهزر معاهم وافهمهم قصة المشهد”.
وقالت الفنانة فريدة سيف النصر، في نفس اللقاء: “بسبب ظروفي وجوازي وحاجات كتير مكنش ينفع أتباس أو أظهر في مشاهد قبلات في الأفلام”.
وأضافت خلال لقائها ببرنامج “كلام الناس” المذاع على قناة “إم بي سي مصر”: “أنا كان نفسي أتباس من ممثلين كتير حلوين وبيعجبوني”.
واستطردت: “برغم إني معملتش مشاهد القبلات ولكن قهروني، وقالوا عليا إني اشتركت في مشاهد ساخنة وجريئة خاصة مشهد الفراخ مع عادل إمام”.
بكت الفنانة فريدة سيف النصر، علي الهواء، بسبب تقصيرها في حق والدتها الراحلة فترة مرضها الأخيرة بسبب انشغالها بتصوير مسلسل “موسى”.
وقالت فريدة سيف النصر، خلال لقائها ببرنامج “كلام الناس” المذاع علي قناة “ام بي سي مصر”:”كنت بصور مسلسل موسى، وأمي تعبانة وكان عندها سرطان، وكنت بقولهم متأخرونيش في التصوير، بس مبيصدقوش الفنان، لحد لما أمى توفاها الله، وقالولي احنا اسفين”.
وتابعت:”زعلت من نفسي بسبب مسلسل “موسى” لإنى ضيعت وقت كان نفسي اقضيه مع أمي، وهو في الاَخر عمل وخلص هيروح ويجي غيره لكن حبايبنا وأمي مش هيجي غيرهم”.
