اتولدت نادية لطفي فى القاهرة فى حى عابدين 3 يناير سنة 1937 من اب مصرى و ام مصرية اسمها فاطمه.

دخلت المدرسه الالمانى فى القاهره و اتخرجت منها سنة 1955. اكتشف موهبتها التمثيليه المخرج رمسيس نجيب و قدمها للسينما و اختار ليها اسمها الفنى اللى اشتهرت بيه ” ناديه لطفى ” و طلعها فى فيلم من اخراج نيازى مصطفى فى دور صحفيه مع الممثلين الكبار وقتها فريد شوقى و رشدى اباظه.

ظهرت ناديه لطفى و نجحت فى افلام كتيره من اشهرها دورها ” لويزا ” الصليبيه فى فيلم الناصر صلاح الدين من اخراج يوسف شاهين ، وفي دور “ليلي” في ” رجال بلا ملامح ” مع صلاح ذو الفقار من اخراج محمود ذو الفقار و فى دور بنت الليل ” فردوس ” فى فيلم ” ابى فوق الشجره ” مع عبد الحليم حافظ من اخراج حسين كمال و كان ثانى فيلم تقف فيه أمامعبد الحليم حافظ بعد فيلم ” الخطايا ” والذى اخرجه حسن الإمام.

ومن افلامها المشهورة الأخرى ” بين القصرين ” و ” السمان و الخريف ” و وهى روايات للاديب نجيب محفوظ ، و ” الإخوه الاعداء ” و هي تمصير لرواية ” الإخوه كرامازوف ” للأديب الروسى دوستويفسكى و اخرجها للسينما حسام الدين مصطفى.

ظهرت مره واحده فى تمثيليه تلفزيونيه هيه ” ناس ولاد ناس ” و فى مسرحيه واحده هيه ” بمبه كشر “.

اشتهرت ناديه لطفى بحب الحيوانات و شاركت فى جمعيات للرفق بالحيوان. و فى وقت حرب اكتوبر 73 قامت بدور وطنى.

تزوجت نادية لطفي ثلاث  مرات من ضابط البحريه ” عادل البشارى ” ، و المهندس “ابراهيم صادق شقيق” مصور مؤسسة دار الهلال “محمد صبرى”. وانجبت ابنا وحيدا اسمه “احمد ” و هو من زوجوها الأول عادل البشرى.