كشف الفنان شريف منير، عن تفاصيل اللحظات الأخيرة في حياة الفنان طارق عبد العزيز، والذي توفي أمس الأحد داخل المستشفى.

وقال شريف منير في مداخلة هاتفية مع الإعلامي عمرو أديب ببرنامج الحكاية المذاع عبر قناة Mbc مصر: كان عندنا تصوير النهاردة في فيلا بأكتوبر الساعة 11 الصبح وطارق كان بيلعب شخصية شريف وكان موجود وكان في حالة تألق كبيرة ونفسية جيدة ونشيط وبيضحك وكل حاجة كانت ماشية بشكل طبيعي.

وتابع : في مشهد أنا بعمله هو وممثلة شابة بتيجي ترن جرس وهو بيفتح الباب وأنا بدخلهم الكادر وهو في وسطنا وبيسبنا وبيخرج وعملنا بروفة وصورنا أول مرة الشوت وكان واقف جنبي والمخرج قال عاوزين نعمله مرة تانية.

وأضاف: والمخرج بيقول أكشن جه طارق نحيتي وشوفت لونه بيروح وسند عليا وأعد على كرسي وسند دماغه على واحد واقف قصادي وقالي مش قادر أقف على رجلي وجسمه أصفر وفجأة أبيض وجسمه سقع وحاولت أدلكله قلبه ولقيت عينه مرفوعة لفوق وفتحتله القميص وجيت اسمع ضربات قلبه مسمعتش حاجة.

وواصل: قمنا بنقله للمستشفى ولما رحنا الدكاترة قالولنا أنه جه المستشفى متوفي وأنا شفته وهو روحه بتطلع.. كان دايما بيقول انا فرحان بالشخصية دي جدا والخبر نزل عليا كالصاعقة وحسيت بعدها أن الدنيا متستاهلش حاجة.

واختتم : ابنه معتصم كان معانا في اللوكيش لأنه المسئول عن أعمال والده وجري عليه.

مسلسل “بقينا اتنين”
مسلسل “بقينا اتنين” مقرر عرضه يوم 2 ديسمبر على قناة ON، وهو بطولة شريف منير، ورانيا يوسف، وعمرو وهبة، ومروة عبد المنعم، وتامر فرج، وميمي جمال، ونانسي هلال، وياسر الطوبجي وغيرهم نخبة من النجوم. المسلسل من تأليف أماني التونسي ومن إخراج طارق رفعت.
وغيب الموت طارق عبد العزيز، مساء أمس، بعد تعرضه لوعكة صحية مفاجاة، داخل لوكشين تصوير مسلسل «وبقينا اتنين».

وعن لحظة وفاته، أوضحت نهال عنبر عضو نقابة المهن التمثيلية، أنه توفي خلال تأدية عمله بعد خضوعه لعملية قلب خطيرة منذ فترة قصيرة، مؤكدة متابعتها المستمرة له قبل أيام من وفاته، وفي آخر مكالمة معه، حذرته من التدخين المستمر.
ووصل الفنان محمد هنيدي، والدكتور أشرف زكي نقيب المهن التمثيلية، إلى مسجد الشرطة فى منطقة الشيخ زايد، لأداء صلاة الجنازة على الراحل طارق عبد العزيز.